Fréttir

08. 09. 2010 kl. 22:57 - 8. september 1975 - Dagblaðið, „frjálst, óháð dagblað,“ kom út í fyrsta sinn

Reyir Traustason er ritstjóri DV ásamt syni sinum Jóni Trausta. Ljósm.: Björn Ingi Bjarnason.

08. 09. 2010 kl. 22:57  -  8. september 1975  -  Dagblaðið, „frjálst, óháð dagblað,“ kom út í fyrsta sinn

Dagblaðið, „frjálst, óháð dagblað,“ kom út í fyrsta sinn. Dagblaðið og Vísir voru sameinuð í DV sex árum síðar.

DV er nú að stærstum hluta í eigu Önfirðinga eins og sjá má hér:

.

.Nokkrir Önfirðingar hittust á Cafe Catalina í kvöld við söguupprifjun og til stefnumótunar. Ræddu þeir m.a  afmæli DV og snæddu kvöldverð í boði Cafe Catalina sem er hluthafi í DV .  F.v.: Gretar Þór Sæþórsson, Björn Ingi Bjarnason, Steingrímur Stefnisson og Guðmundur J. Sigurðsson.

Ljósm.: Sigríður Samsonardóttir. 

Skráð af: Björn Ingi Bjarnason.

08. 09. 2010 kl. 05:37 - Golfmót Önfirðinga á Þorlákshafnarvelli - úrslit

Jón H. Sigurmundsson í Þorlákshöfn slær hér sigurhöggið sem færði honum vikudvöl í Mannlífs- og menningarsetri Önfirðingafélagsins að Sólbakka 6 á Flateyri næsta sumar. Ljósm.: Björn Ingi Bjarnason.

08. 09. 2010 kl. 05:37  -  Golfmót Önfirðinga á Þorlákshafnarvelli - úrslit

.

Önundarfjarðarmeistari í höggleik: Ásbjörn Björgvinsson á 39 höggum

.

Punktakeppni:

Konur:     1. sæti: Sesselja Ingólfsdóttir með 14 punkta

               2. sæti:  Lilja Garðarsdótir með 12 punkta

               3. sæti:  Auður Jónsdótir  með 11 punkta

.

Karlar:    1. sæti    Jóhannes Ólafur Ellingsen með 20 punkta

              2. sæti     Jón H. Sigmundsson  með 17 punkta

              3. sæti    Ásgeir Hjálmar Sigurðsson með 14 punkta 

              4. sæti.   Stefán Jónsson með 14 punkta.

            Þegar tveir eða fleiri eru jafnir í punktakeppni (m/forgjöf) eru reiknaðar 

            síðustu 6 holurnar og þar voru báðir með 9 punkta, þá þrjá punkta 

             á síðustu 3 holunum og tvo punkta á síðustu holunni. Grípa þurfti því 

            til þess að láta keppendurna draga um hvor hlyti 3. sætið og kom það 

            í hlut Ásgeirs.

.

Veitt voru tvenn verðlaun fyrir að vera næst holu á 11. flöt þ.e. karla og kvenna. 

Næst holu af kvenmönnum var Auður Jónsdóttir, en af körlum Finnbogi Ernir Ægisson.

Ein verðlaun voru fyrir að vera næst holu á 16. flöt og þar reyndist Bragi Halldórsson vera 

næst holu.  

.

Að keppni lokinni var vippkeppni þar sem slegið var af 10. teig og inn á 18. flöt. 

Þar bar sigur úr bítum Jón H. Sigurmundsson og hlýtur að launum aðalvinning mótsins, vikudvöl í húsi 

Önfirðingafélagsins, Sólbakka 6, næsta sumar.

.

Grétar Snær Hjartarson hitti svo nánast ofan í skyrtuvasa formannsins, Björns Inga, í hjartastað,

, í síðasta höggi mótsins, og brotnuðu gleraugu formannsins sem voru í vasanum. 

Við verðlaunaafhendinguna var þetta samþykkt sem verðlaunahögg

og fékk Grétar Snær einnig viku á Sólbakka 6 næsta sumar.

.

Grétar Snær Hjartarson

.

Jón H. Sigurmundsson t.h. tekur við aðalverðlaunum mótsins, sem er vikudvöl að Sólbakka 6 næsta sumar, úr hendi formanns Önfirðingafélagsins Björns Inga Bjarnasonar.

Björn Ingi rifjaði upp afrek Jóns þegar hann í sveinaflokki varð Íslandsmeistari í 400 metra hlaupi.

Ljósm.: Kristján Óli Hjaltason.

.

.Grétar Snær Hjartarson slær hér  nokkru fyrir lokahögginð árangursríka. Stefán Jónsson og Jón H. Sigurmundsson fylgjast með. Ljósm.: BIB

.

.

Grétar Snær Hjartarson fylgist með þegar Önfirðingar dæma honum glæsilegu aukaverðlaunin í golfmótinu.

Ljósm.: Björn Ingi Bjarnason

.

Skráð af: Björn Ingi Bjarnason

07. 09 .2010 kl. 20:47 - Námskeið við ræðukvíða

Þessir miklu félagsmálamenn fyrir vestan hafa aldrei verið með ræðukvíða enda hlaðnir ungmennafélagsanda. F.v.: Bergur Torfason frá Felli, Jón Guðjónsson frá Veðrará (látinn) Ásvaldur Guðmundsson frá  Ástúni og Hilmar Pálsson frá Suðureyri.

Myndin er tekin á Héraðsþingi H.V.Í. sem haldið var á Núpi í Dýrafirði í byrjun síðasta fjórðungs síðustu aldar. Ljósm.: Björn Ingi Bjarnason.

07. 09 .2010 kl. 20:47  -  Námskeið við ræðukvíða

Námskeið við ræðukvíða hefst 21. september hjá Kvíðameðferðarstöðinni og stendur yfir í sex vikur. Námskeiðið er ætlað þeim sem eru haldnir miklum kvíða og vanlíðan gagnvart því að tala fyrir framan hóp fólks, hvort sem er í brúðkaupi, skólafyrirlestri eða í daglegu lífi.

Þátttakendum, sem skrá sig á námskeiðið, er boðið upp á greiningarviðtal þar sem vandi þeirra er kortlagður og gengið úr skugga um að viðkomandi úrræði henti einstaklingnum.

Námskeiðið byggir á aðferðum hugrænnar atferlismeðferðar og stjórnendur eru Helena Jónsdóttir sálfræðingur og Unnur Valborg Hilmarsdóttir markþjálfi.

F.v.: Torfi Bergsson frá Felli, Sighvatur Dýri Guðmundsson frá Höfða, Ásvaldur Magnússon frá Tröð, Birkir Þór Guðmundsson frá Hrauni, Elsa Jónsdóttir frá Hesti, Jón Guðjónsson frá Veðrará og Vigfús Geirdal frá Flateyri. Ljósm.: Björn Ingi Bjarnason.

Fréttablaðið þriðjudagurinn 7. september 2010.

Hér skráð af: Björn Ingi Bjarnason

07. 09. 2010 kl. 07:07 - Hvalveiðar hafa gengið mjög vel - Hefjast frá Sólbakka næsta sumar

Hvalveiðar munu hefjast frá Sólbakka næsta sumar þegar hvalbátur bætist í flota Úlfars Önundarsonar á Sólbakka-Lóni. Smíði hvalbátsins stendur nú yfir í Skipasmíðastöð Úlvars Önundarsonar við Drafnargötu á Flateyri. Ljósm.: Björn Ingi Bjarnason. 

07. 09. 2010 kl. 07:07  -  Hvalveiðar hafa gengið mjög vel  -  Hefjast frá Sólbakka næsta sumar

Hvalveiðarnar hafa gengið mjög vel í sumar, að sögn Kristjáns Loftssonar, framkvæmdstjóra Hvals hf. og betur en í fyrra.

Er helsta ástæðan sú, að sögn Kristjáns, að hvalirnir hafa haldið sig nær landi en í fyrrasumar. Þá hefur veður verið mjög hagstætt til hvalveiða. Vinnslan í Hvalfirði hefur sömuleiðis gengið vel.

Hvalveiðistöð Hans Ellefsen á Sólbakka um 1900.  Íbúðarhús forstjórans, nú Ráðherrabústaðurinn í Reykjavík, er hvíta húsið um miðja mynd.

Skráð af: Björn Ingi Bjarnason.

06. 09 2010 kl. 22:17 - Eftirlaunaþeginn Jón Baldvin Hannibalsson fór á kostum í Silfri Egils

Í Ráðherrabústaðnum við Tjarnargötu í október 1990 þar sem Jóhannes Kristjánsson og Jón Baldvin Hannibalsson fóru á kostum eins og sjá má á berlega á Hendrik Tausen. 

Önfirðingum var þarna boðið að hitta frægasta brottflutta Önfirðinginn sem er Ráðherrabústaðurinn frá Sólbakka.

Ljósm.: Björn Ingi Bjarnason.

06. 09 2010 kl. 22:17   -  Eftirlaunaþeginn Jón Baldvin Hannibalsson fór á kostum í Silfri Egils

Eftirlaunaþeginn Jón Baldvin Hannibalsson fór á kostum í Silfri Egils í gær þegar hann gerði úttekt á hinni pólitísku stöðu með hálflamaða ríkisstjórn við völd.

Benti Jón Baldvin á það að Sjálfstæðisflokkurinn væri síður en svo tilbúinn að taka við stjórnartaumum. Sá flokkur bæri stærsta ábyrgð á hruninu en iðraðist einskis. Jón Baldvin sagði augljóst að Davíð Oddsson bæri þar mesta ábyrgð þótt hann væri algjörlega blindur á bresti sína og afglöp.

Þannig hefði þurft að fjarlægja skúrkinn úr rústum efnahagslífsins með byggingakrana.

.

Í Ráðherrabústaðnum í október 1990.

Í Ráðherrabústaðnum í október 1990.

Í Ráðherrabústaðnum í október 1990.

Í Ráðherrabústaðnum í október 1990.

.Í Ráðherrabústaðnum í október 1990

Í Ráðherrabústaðnum í október 1990.

Af: http://www.dv.is/  - Sandkorn.

Hér skráð af: Björn Ingi Bjarnason

06. 09. 2010 kl. 21:52 - Kynnti sér atvinnulífið á Flateyri

05. 09. 2010 kl. 17:27 - Ásbjörn Þ. Björgvinsson er Önfirðingameistari í golfi

Ásbjörn Þ. Björgvinsson t.h. tekur við sigurlaunum sem Önfirðingameistari í golfi  árið 2010 úr hendi Ægis E. Hafberg.

Ljósm.: Björn Ingi Bjarnason.

05. 09. 2010 kl. 17:27  -  Ásbjörn Þ. Björgvinsson er Önfirðingameistari í golfi 2010

Golfmóti Önfirðinga, sem haldið var á Þorlákshafnarvelli, lauk fyrir stundu og er Ásbjörn Þ. Björgvinsson golfmeistari Önfirðinga árið 2010.

Fyrri meistarar hafa verið:

1980  -  Hinrik Kristjánsson

2001  -  Sveinn Ásgeir Baldursson

2002  -  Páll Kristjánsson

2003  -  Páll Kristjánsson

2004  -  Karl Þórðarson

2005  -  Stefán R. Dagssson

2006  -  Stefán R. Dagsson

.

Ásbjörn Þ. Björgvinsson, lengst til hægri, tekur ofan eftir keppnina í dag. Á myndinni eru einnig Bragi Halldórsson og Kristján Óli Hjaltason.

.

.

Skráð af: Björn Ingi Bjarnason.

05. 09. 2010 kl. 11:07 - Golfmót Önfirðinga á Þorlákshafnarvelli hafið

Við upphaf golfmóts Önfirðinga á Þorlákshafnarvelli í morgun. F.v.: Kristján Óli Hjaltason, Ásbjörn Þ. Björgvinsson, Jón Gunnar Stefánsson og Bragi Halldórsson. Ljósm.: Björn Ingi Bjarnason.

05. 09. 2010 kl. 11:07   -  Golfmót Önfirðinga á Þorlákshafnarvelli hafið

Golfmót Önfirðinga hófst á slaginu kl. 10:00 í morgun á Golfvelli Þoirlákshafnar. Mjög góð þátttaka er í mótinu og batnandi veður er á svæðinu, þurrt og sólarglenna.

Aðalvinningur er vikudvöl í Mannlífs- og menningarsetri Önfirðingafélagsins að Sólbakka 6 á Flateyri vikuna 3. - 10. júní 2011 sem er vikan utan um sjómannadagshelgina.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

Skráð af: Björn Ingi Bjarnason.

04. 09. 2010 kl. 15:57 - Golfmót Önfirðinga í Þorlákshöfn 5. september 2010

Frá Golfmóti Önfirðinga á Þorlákshafnarvelli. F.v.: Ásgeir Guðnason, Kári Jóhannesson, Kristján Ragnarsson og frú og Dagur Ásgeirsson. Ljósm.: Björn Ingi Bjarnason.

30. 08. 2010 kl. 23:33  -  Golfmót Önfirðinga í Þorlákshöfn 5. september 2010

Endurreisn hins vinsæla Golfmóts Önfirðinga, sem haldin voru með reisn árin 2003 – 2006 á golfvellinum við Þorlákshöfn, verður á morgun sunnudaginn 5. september. 

Yfir 30 kylfingar skráð sig til þáttöku, verðlaun streyma að og þegar hefur verið lögð inn “veðurpöntun” á viðeigandi stað.

Aðalvinningur verður vikudvöl í Mannlífs- og meningarsetri Önfirðingafélagsins að Sólbakka 6 á Flateyri vikuna um Sjómannadaginn,  3. - 10. júní 2011.

Áhugasömum golfurum og gestum er beint til Þorlákshafnar sunnudaginn 5. september en mótið hefst stundvíslega kl. 10.00.  Þess er óskað að sem flestir forskrái sig til þess að auðvelda undirbúning en skráiningu má senda til:

Kristjáns Óla Hjaltasonar          sími 660 9503   netfang koh@kroli.is

eða Grétars Snæs Hjartarsonar        sími 897 6536   netfang gretar@heima.is

Í Þorlákshöfn er undirbúnngur í höndum þeirra Ægis Hafberg og Böðvars Gíslasonar. 

Mætum sem flest til mótins

Forskráum þáttöku til að auðvelda undirbúning

Mætum tímanlega.

Með bestu kveðjum,

f.h. undirbúningsnefndar.

Kristján Óli Hjaltason og Grétar Snær Hjartarson

04. 09. 2010 kl. 11:27 - Ganga á Þorfinn á morgun sunnudaginn 5. september

.

04. 09. 2010 kl. 11:27  -  Ganga á Þorfinn á morgun sunnudaginn 5. september

Sigríður Magnúsdóttir á Kirkjubóli í Valþjófsdal skrifar:

Jæja gott fólk.

Er ekki einhver búinn að segja hvað veðrið er dásamlegt, þetta logn, þetta logn, og hitinn, hann er dásemd. En á morgun (sunnudaginn 5.sept) ætlar Ferðafélag Vestfjarða að ganga á Þorfinn, fjallið hér í Dalnum. Ef veðrið verður eins og spáð er þá verður þetta stórkostlega flott ganga með dýrðlegu útsýni um allan Önundarfjörð..má bjóða þér með ?

Það verður lagt af stað kl 13:00 frá Grafargili.

04. 09. 2010 kl. 07:47 - Strandsiglingar boðnar út

.Strandferðaskipið Hekla og millilandaskipið Hofsjökull ásamt Gylli við bryggju á Flateyri. Ljósm.: Björn Ingi Bjarnason.

04. 09. 2010 kl. 07:47  -  Strandsiglingar boðnar út

Ríkisstjórnin hefur ákveðið að bjóða út strandsiglingar við Ísland og verður útboð auglýst í næsta mánuði. Siglingaleiðin sem verður auglýst miðast við siglingar milli Reykjavíkur, Ísafjarðar og Akureyrar auk Sauðárkróks og Patreksfjarðar. Siglingar munu spara viðhald á vegum en skipafélögin eru afar ósátt við áformin að því er fram kemur á visir.is. Meðal síðustu verka Kristjáns Möller í embætti samgönguráðherra í ríkisstjórn Íslands var annars vegar að kynna minnisblað um fjármál sveitarfélaga fyrir ríkisstjórninni og ákveða útboð á siglingaleiðum með vörur umhverfis Ísland. Ákvörðun um strandsiglingar var tekin eftir margra mánaða undirbúnings- og samráðsferli, þar sem hugmyndirnar voru kynntar fyrir hagsmunaaðilum og þeim sveitarfélögum sem í hlut eiga.

Strandsiglingar eru taldar henta svokölluðum þolinmóðum vörum og talið er að slit á vegum og viðhaldskostnaður muni líklega minnka um 100-200 milljónir króna á ári.

Á visir.is segir að skipafélögin, Eimskip og Samskip, hafi gagnrýnt áform um strandsiglingar og telja m.a að útboð á siglingaleiðum sé óeðlilegt inngrip stjórnvalda á þessum markaði. Stjórnvöld víða um heim hafa hins vegar verið að vinna af því að færa flutninga af vegum yfir á sjó, fljótabáta og járnbrautir, að því er fram kemur í skýrslu Samgönguráðuneytisins um strandsiglingar. Í skýrslunni segir jafnframt að flutningsgjald landflutningsaðila til Vestfjarða sé í kringum 180 þúsund krónur en meðalflutningsgjald með skipi þessa sömu leið sé um 139 þúsund krónur svo þær borgi sig. Það er því ljóst að þetta mun spara flutningsgjöld og má búast við viðbrögðum landflutningsaðila með lækkun á gjöldunum í kjölfar samkeppni frá strandferðaskipinu.

Ögmundur Jónasson, innanríkisráðherra, hefur tekið við samgöngu- og sveitarstjórnarmálum af Kristjáni Möller. Hann sagðist í samtali við fréttastofu Vísis styðja áform um strandsiglingar og að hann væri hlynntur þessari ákvörðun Kristjáns.

Af: http://www.bb.is/

.

.

.

.

.

.

.

.

Hér skráð af: Björn Ingi Bjarnason.

03. 09. 2010 kl. 06:45 - Erum að endurheimta þekkingu í handavinnu

Alltaf er gaman að glíma við eitthvað nýtt og vandasamt, segir Hildur Guðnadóttir, tengdadóttir Flateyrar,  sem rekur Ömmu mús. Hannyrðir hafa verið hennar hálfa líf en hún lærði að hekla fimm ára og þá varð ekki aftur snúið, frekar en vænta mátti. Ljósm.: Morgunblaðið/Ernir.

03. 09. 2010 kl. 06:45  -  Erum að endurheimta þekkingu í handavinnu

Amma mús er ný verslun í Ármúlanum. Eigandinn, Hildur Guðnadóttir, tengdadóttir Flateyrar, byrjaði að hekla fimm ára. Lopaæðið mikla og jólaútsaumur að byrja.

Hvert sem viðfangsefnið er þá er það vandasama alltaf heillandi. Glíma við það sem maður hefur ekki reynt við áður og ná þannig að skapa eitthvað fallegt. Í prjónaskapnum er gaman að glíma við nýjar aðferðir eins og til dæmis kaðlaprjón og alls konar gatamunstur,“ segir Hildur Guðnadóttir hjá Satúrnus við Ármúla í Reykjavík.

Satúrnus hefur í meira en hálfa öld verið umsvifamikil heildsala með ýmsar hannyrðavörur. Hildur Guðnadóttir eignaðist fyrirtækið fyrir tveimur árum og á sama tíma hóf Ásta Guðmundsdóttir þar störf. Í sl. mánuði voru svo kvíarnar færðar út með opnun smásölu, verslunarinnar Ömmu músar, þar sem handavinnufólk fær í raun allt sem þarf. Þar stendur Sigurbjörg Jóhannesdóttir vaktina en hún hefur starfað í hannyrðaverslunum í fjöldamörg ár og því mörgum vel þekkt. Auk hennar starfa í versluninni Edda Hrönn Gunnarsdóttir og Lára Magnea Jónsdóttir.

Misstum kynslóðir út

„Hannyrðamenning þjóðarinnar hefur breyst talsvert á undanförnum árum. Sjálf hóf ég að starfa á þessum vettvangi árið 1998 og hef fylgst vel með síðan þá. Þegar starfsemi húsmæðraskólanna lagðist af hrakaði þessari þekkingu og áhugi á prjónaskap og saumum var minni. Stemningin í þjóðfélaginu var einfaldlega þannig. Við misstum hreinlega nokkrar kynslóðir út. Með efnahagshruninu gerðist það svo að prjónaskapur komst aftur í tísku og ég hef stundum talað um lopaæðið. Nú þykir aftur skemmtilegt að prjóna og fjöldi kvenna – og karla raunar líka – hefur aflað sér þekkingar í því að prjóna og í ýmsu fleiru. Þetta er afar skemmtilegt,“ segir Hildur sem selur meðal annars garn frá norska framleiðandanum Rauma og Design club í Danmörku. Má þar nefna Merino-ull og silki, sem nýtur sérstakra vinsælda um þessa mundir. Þegar kemur svo fram á haustið grípa margir í útsaum. Í Ömmu mús fæst útsaumsefni og garn – sem og útsaumsmyndir sem eru með ýmsu móti. Þá er jólaútsaumurinn nýlega kominn í hús og þykir mörgum ekki seinna vænna að byrja að glíma við þær hannyrðir.

Góð afslöppun

„Ég man ekki eftir mér öðruvísi en að ég sé að fást við einhvers konar handverk. Lærði fyrstu handtökin líklega fimm ára gömul þegar ég heklaði litla hringlaga mottu sem ég var afar hreykin af. Mottuna átti ég lengi enda þótt hún sé ekki jafn glæsilega gerð og í barnsminningunni. En upp úr stendur að þarna lærði ég handtökin og að glíma við hannyrðir hefur alltaf verið líf mitt og yndi. Hef bæði búið til ýmislegt fallegt á heimilinu og prjónað og saumað. Þá felst góð afslöppun í öllum hannyrðum fyrir svo utan að alltaf er gaman að glíma við eitthvað nýtt og vandasamt,“ segir Hildur.

Morgunblaðið föstudagurinn 3. september 2010.

HIldur Guðnadóttir í hópi glaðra Flateyringa. Ljósm.: Björn Ingi Bjarnason.

Hér skráð af: Björn Ingi Bjarnason.

03. 09. 2010 kl. 05:43 - Upplyfting á Cafe Catalina í kvöld

03. 09. 2010 kl. 05:43  -  Upplyfting á Cafe Catalina í kvöld

Cafe Catalina að Hamraborg 11 í Kópavogi. Ljósm.: Steingrímur Stefnisson.

Hljómsveitin Æfing á aðsóknarmetið á Cafe Catalina sem og sölumet á drykkjum. Það var sett 10. október 2009. Fyrra metið átti Æfing einnig en það var sett á sjómannadeginum 1998. Ljósm.: Henný Árnadóttir.

.

Sjá: http://dl.dropbox.com/u/5910828/frettabref/1998_juni_net.pdf

.

.Hljómsveitin Æfing á aðsóknarmetið á Cafe Catalina sem og sölumet á drykkjum. Það var sett 10. október 2009. Fyrra metið átti Æfing einnig en það var sett á sjómannadeginum 1998. Ljósm.: Henný Árnadóttir.

.

02. 09. 2010 kl. 20:57 - Flateyringar funduðu í kirkjugarðinum

Í kirkjugarðinum á Eyrarbakka. F.v.: Guðmundur J. Sigurðsson og Björn E. Hafberg. Ljósm.: Björn Ingi Bjarnson.

02. 09. 2010 kl. 20:57  -  Flateyringar funduðu í kirkjugarðinum

Flateyringarnir Guðmundur J. Sigurðsson og Björn E. Hafberg brugðu betri dekkjunum undir bílinn síðasta laugardag og fóru í skemmtiferð um Suðurland.

Þegar nálgaðist Eyrarbakka hringdu þeir í Björn Inga Bjarnason, sem þar býr, og var hann staddur í kirkjugarðinum við myndatökur. Án þess að boða komu sína voru þeir einnig komnir að vörmu dekki í kirkjugarðinn. Var strax sest niður í veðurblíðunni og fundu menn hinn mikla frið sem þarna var þó margir væru nálægir.

Þremenningarnir eru mjög reyndir félagsmálamenn m.a. allir f.v. formenn Verkalýðsfélagsins Skjaldar á Flateyri en höfðu aldrei fundað á stað sem þessum. Var haft á orði að frá svona staðsettum fundum gæti ekkert lekið, enginn á hleri og ekki enn eftirlitsmyndavélar hvað sem síðar verður.

F.v.: Björn Ingi Bjarnason og Björn E. Hafberg. Ljósm.: Guðmundur J. Sigurðsson.

.

02.09. 2010 kl. 19:37 - Helga Kristbjörg fékk veglegan styrk

01.09. 2010 kl. 22:37 - Leiklistarskóli Kómedíuleikhússins

Elfar Logi Hannesson, hér sem Gísli Súrsson á Sumarhátíð Vestur-Ísfirðinga á Stokkseyri fyrir nokkrum árum. Ljósm.: BIB

01.09. 2010 kl. 22:37  -  Leiklistarskóli Kómedíuleikhússins

Kómedíuleikhúsið hefur stofnað leiklistarskóla sem hefur starfsemi sína í september.

Um er að ræða alhliða leiklistarnám fyrir alla aldurshópa eða frá 5 ára og uppúr. Sérstakur kynningarbæklingur um skólann er væntanlegur úr prentun á allra næstu dögum og verður sendur sjóðheitur inná öll heimili á norðanverðum Vestfjörðum. Skólinn er til húsa í Listakaupstað, Norðurtangahúsinu, á Ísafirði og þann 11. september verður opið hús þar sem áhugasamir geta kynnt sér skólann. Sama dag hefst skráning á námskeið skólans en fyrstu námskeiðin hefjast 20. september en skólasetning verður þann 19.

Aðalkennarar við Kómedíuskólann eru þeir Elfar Logi Hannesson og Ársæll Níelsson sem báðir eru menntaðir í Kómedíuskólanum í Kaupmannahöfn. Nánari upplýsingar um Leiklistarskóla Kómedíuleikhússins verður að finna hér á heimasíðunni á næstu dögum. Gaman er að geta þess að Leiklistarskóli Kómedíuleikhússins er fyrsti leiklistarskóli Vestfjarða.

En áhugasamir mega alveg byrja að skrá sig eða fá nánari upplýsingar með því að senda okkur tölvupóst á netfangið komedia@komedia.is

Skráð af: Björn Ingi Bjarnason.

01. 09. 2010 kl. 07:17 - Minni skerðing á dragnótaveiðum á Önundarfirði

Séð út Önundarfjörð Ljósm.: Björn Ingi Bjarnason.

01. 09. 2010 kl. 07:17  -  Minni skerðing á dragnótaveiðum á Önundarfirði

Ákveðið hefur verið í sjávarútvegsráðuneytinu að fresta að hluta reglugerð um bann við dragnótaveiðum á þremur innfjörðum á Vestfjörðum og Norðurlandi.

Þannig verður bannið í Önundarfirði, Miðfirði og Skagafirði fært utar í firðina heldur en ráðgert var.

Eftir samræður við fulltrúa dragnótamanna og fleiri hagsmunaaðila hefur verið ákveðið í ráðuneytinu að fara utar með bannið. Þessi tilhögun gildir til áramóta og verði annað ekki ákveðið á tímanum þangað til öðlast fyrri ákvörðun gildi. Reglugerðin um skertar dragnótaveiðar var sett í maímánuði, en gildistöku var síðan frestað til 1. september.

Morgunblaðið miðvikudagurinn 1. september 2010.

Hér skráð af: Björn Ingi Bjarnason.

31. 08. 2010 kl. 22:37 - Flateyringar meðal 22 umsækjenda um stöðu fiskistofustjóra

Flateyringurinn Gísli Rúnar Gíslason við veiðar. Ljósm.: Einksafn.

31. 08. 2010 kl. 22:37  -  Flateyringar meðal 22 umsækjenda um stöðu fiskistofustjóra

Flateyringurinn Guðmundur Einar Jónsson.Ljósm.: Einkasafn.

Þann 27. ágúst 2010 rann út frestur til að skila umsókn um embætti fiskistofustjóra.

Umsækjendur eru eftirfarandi:

Aðalsteinn Þorsteinsson

Dagmar Sigurðardóttir

Davíð Egilson

Eyþór Björnsson

Gísli Rúnar Gíslason

Grétar Már Jónsson

Guðmundur Einar Jónsson

Gylfi Ástbjartsson

Halldór Ó. Zoëga

Haukur Nikulásson

Ingólfur Sveinsson

Jón Örn Stefánsson

Pétur Bjarnason

Sævar Ásgeirsson

Valbjörn Steingrímsson

Valtýr Hreiðarsson

Viðar Ólason

Vilhjálmur Wium

Þorsteinn Þorsteinsson

Þórður Már Jónsson

Þórður Heimir Sveinsson

Þórhallur Ottesen

Af: http://www.stjornarrad.is/

Hér skráð af: Björn Ingi Bjarnason.

31. 08. 2010 kl. 20:33 - Af ráðum Flateyrarlækna

Gleðigjafarnir - F.v.: Íris Sveinsdóttir Ólafur Ragnarsson og Lýður Árnason á Sólbakka 6. Ljósm.: Björn Ingi Bjarnason

31. 08. 2010 kl. 20:33  -  Af ráðum Flateyrarlækna

Rúmlega tíu þúsund manns tóku þátt í Reykjavíkurmaraþoninu á dögunum. Þátttakan var með besta móti, sem helst í hendur við aukinn áhuga landans á hreyfing og heilbrigðum lífsstíl.

Aldrei of seint að byrja

„Markmið mitt var fara tíu kílómetrana á innan við klukkustund og er mjög ánægður með að það tókst,“ segir Dagur B. Eggertsson borgarfulltrúi og fyrrum læknir á Flateyri. Áður en að Reykjavíkurmaraþoninu kom ætlaði hann sér að stunda æfingar af kappi með það fyrir augum að vera í sínu allra besta formi.

„Í dagsins önn er í mörg horn að líta og því náði ég ekki að æfa jafn oft og ég vildi. Ég hleyp þó alltaf annað slagið og æfi í World Class,“ segir Dagur sem í hlutverki læknis kveðst stundum ráðleggja skjólstæðingum sínum að taka sér tak og hreyfa sig reglulega.

„Það er aldrei oft seint að byrja og hreyfing gerir öllum gott, sama í hvaða formi hún er og á hvaða aldri fólki er. Þekkt er að stundum skrifaði Lýður Árnason, læknir á Flateyri í rúman áratug, upp á hund fyrir sjúklinga sem til hans leituðu; ráðlagði þeim með öðrum orðum sagt að fá sér hund sem þyrfti að fara með í gönguferðir sem auðvitað getur verið þjóðráð. Útiveran er góð.“

Dagur B. Eggertsson fyrrum læknir á Flateyri. Ljósm.: Morgunblaðið

Heimild: Morgunblaðið - Lifun/Heilsa

Hér skráð af: Björn Ingi Bjarnason.

30. 08. 2010 kl. 23:33 - Golfmót Önfirðinga í Þorlákshöfn 5. september 2010

Frá Golfmóti Önfirðinga á Þorlákshafnarvelli. Ljósm.: Björn Ingi Bjarnason.

30. 08. 2010 kl. 23:33  -  Golfmót Önfirðinga í Þorlákshöfn 5. september 2010

Fyrirhuguð er endurreisn hins vinsæla Golfmóts Önfirðinga sem haldin voru með reisn árin 2003 – 2006 á golfvellinum við Þorlákshöfn.  Haft var samband við nokkra kylfinga sem þátt tóku flest árin og var greinilegur söknuður að mótin voru ekki haldin undanfarin 3 ár.

Yfir 30 kylfingar skráð sig til þáttöku, verðlaun streyma að og þegar hefur verið lögð inn “veðurpöntun” á viðeigandi stað.

Áhugasömum golfurum og gestum er beint til Þorlákshafnar sunnudaginn 5. september en mótið hefst stundvíslega kl. 10.00.  Þess er óskað að sem flestir forskrái sig til þess að auðvelda undirbúning en skráiningu má senda til:

Kristjáns Óla Hjaltasonar          sími 660 9503   netfang koh@kroli.is

eða Grétars Snæs Hjartarsonar        sími 897 6536   netfang gretar@heima.is

Í Þorlákshöfn er undirbúnngur í höndum þeirra Ægis Hafberg og Böðvars Gíslasonar. 

Mætum sem flest til mótins

Forskráum þáttöku til að auðvelda undirbúning

Mætum tímanlega.

Með bestu kveðjum,

f.h. undirbúningsnefndar.

Kristján Óli Hjaltason og Grétar Snær Hjartarson.