Fréttir

17. 05. 2012 kl. 18:37 - Mannleg samskipti - ný bók að vestan eftir Benna Sig

Vestfirðingar syðra í baráttusveit Vestfirska forlagsins fögnuðu nýju bókinni -Mannleg samskipti- í Leturprenti í gær. F.v.: Björn Ingi Bjarnason, Rögnvaldur Bjarnason, Burkni Aðalsteinsson og Steindór Karvelsson, móðurbróðir bókarhöfundarins Benna Sig.  Ljósm.: Guðmundur J. Sigurðsson.

.

17. 05. 2012 kl. 18:37 - Mannleg samskipti - ný bók að vestan eftir Benna Sig

Bókin  Mannleg samskipti  eftir Benedikt Sigurðsson í Bolungarvík er nýkomin út hjá Vestfirska forlaginu.

Benedikt hefur lengi pælt í mannlegum samskiptum og hvernig þau birtast í alls kyns mismunandi myndum. Hann segir í bók sinni: “Hvað eru mannleg samskipti? Skiptir máli hvernig maður kemur fram við fólk? Að sjálfsögðu, alveg eins og það skiptir máli hvernig fólk kemur fram við þig. Þú færð það sem þú gefur. Ég vil taka fram, að ég hef eflaust gert flest þau mistök sem hægt er að gera í samskiptum við annað fólk – rétt eins og þú, lesandi góður. En með árunum verður maður lífsreyndari og meðvitaðari um það hver maður er og hvert maður stefnir.”

.

Benedikt Sigurðsson er fæddur á Ísafirði árið 1975 en hefur búið í Bolungarvík má segja alla ævi. Hann er kvæntur Fjólu Sigríði Bjarnadóttur og eiga þau þrjú börn.

.

Bókin fæst í bókaverslunum og ýmsum öðrum verslunum um land allt, hjá http://www.vestfirska.is/ og hjá höfundi.

.

.

Í tilefni útgáfu bókarinnar -Mannleg samskipti- hittust nokkrir Vestfirðingar í hinu vestfirska Leturprenti í Dugguvogi 12 í Reykjavík. Þessi hópur er ein birtingarmynd þess að Vestfirðingar og tengdafólk heima og heiman eru að hrista sig saman til mannlífs- og menningarlegra athfna og er Vestfirska forlagið glæsileg mannlífs- og menningarbrú í þessum efnum.

.

Vestfirðingurinn og tengdasonur Vestfjarða í Leturprenti. F.v.: Rögnvaldur Bjarnason frá Hænuvík og Burkni Aðalsteinsson; tengdasonur Bildudals og Vestfjarða en hans kona er Lára Pétursdóttir Bjarnasonar og Grétu Jónsdóttur frá Bíldudal og á Ísafirði.

.

Hinir gamalreyndu jaxlar að vestan. F.v.: Steindór Karvelsson úr Bolungarvík og Guðmundur J. Sigurðson frá Flateyri.

.

F.v.: Björn Ingi Bjarnason frá Flateyri og Burkni Aðalsteinsson, tengdasonur Vestfjarða, rifja upp fyrri prentkynni frá því Burkni starfaði í Borgarprenti sem prentaði Fréttabréf Önfirðinga-félagsins frá því 1993 og fram undir síðustu aldamót.

.

Burkni dró síðan fram Fréttabréf / Ársrit Önfirðingafélagsins frá í desember 1996 sem hann varðveitir vel á skrifstofu sinnu og sýnir mörgum sem dæmi um vandað rit að innihaldi og umgjörð og eldist alveg sérlega vel.

.

Skráð af:  Björn Ingi Bjarnason.

.

nánar
 
 

17. 05. 2012 kl. 15:37 - Sumarmatseðillinn á Cafe Catalina í Kópavogi

Catalinu-mæðgurnar með sumarmatseðilinn. F.v.: Sigríður Samsonardóttir, sem einmitt á afmæli í dag 17. maí, og Alda Steingrímsdóttir. Ljósm.: Björn Ingi Bjarnason.

17. 05. 2012 kl. 15:37 - Sumarmatseðillinn á Cafe Catalina í Kópavogi

Veitingahúsið Cafe Catalina að Hamraborg 11 í Kópavogi -félagsheimili landsins-  kynnti á dögunum nýjan sumarmatseðil með veitingum sem í boði verða næstu mánuði.

Seðilinn er mjög fjölbreyttur og þar geta allir fundið rétti stóra og smáa að sínum óskum eins og hér má sjá:

.

Veitingahjónin á Cafe Catalina; Steingrímur Stefnisson og Sigríður Samsonardóttir buðu mæðgunum Jónu Guðrúnu Haraldsdóttur og Gróu Björnsdóttir til máltíðar á dögunm og reyna veitingar af nýja sumarmatseðlinum. Smá þakkir til þeirra fyrir gestrisni á liðnum árum sögðu veitingahjónin um tilefnið. F.v.: Jóna Guðrún, Steingrímur, Gróa og Sigríður. Gróa hefur nú haldið vestur á Flateyri eftir hálfa vetursetu syðra og undirbýr gestakomur sumarsins.  Ljósm.: Björn Ingi Bjarnason.

Skráð af: Björn Ingi Bjarnason.

nánar
 
 

17. 05. 2012 kl. 06:47 - 17. maí - þjóðhátíðardagur Norðmanna

Norðurlandastemmning við Mannlífs- og menningarsetrið að Sólbakka 6 á Flateyri.           Ljósm.: Björn Ingi Bjarnason.

17. 05. 2012 kl. 06:47 - 17. maí - þjóðhátíðardagur Norðmanna

Í dag er 17. maí, þjóðhátíðardagur Norðmanna.

17. maí 1814  v a r stjórnarskrá Norðmanna undirrituð og upp frá því varð 17. maí  b a r á t t u d a g u r  fyrir sjálfstæði Noregs.

 Saga þessa dags er allmerkur þ á t t u r í sögu norskrar  sjálfstæðisbaráttu, og hann öðlaðist nýtt gildi á stríðsárunum, þegar Norðmenn urðu að heyja nýja b a r á t t u um líf eða dauða við öflugri fjendur en nokkru sinni fyrr.

16. 05. 2012 kl. 22:47 - Vor í Árborg 17. – 20. maí - Bæjar- og menningarhátíð

Síðustu tónleikar Vetrartónleikaraðar Hvítahússins á Selfossi fara fram þann 18. maí og er hluti hátíðarinnar Vor í Árborg. Þar er sannkallaður stórviðburður því sjálft óskabarn íslensku þjóðarinnar, Vestfirðingurinn Mugison, mun stíga á svið og leyfa Sunnlendingum að njóta tónlistar sinnar.

16. 05. 2012 kl. 22:47 - Vor í Árborg 17. – 20. maí - Bæjar- og menningarhátíð

Bæjar- og menningarhátíðin  Vor í Árborg  verður haldin dagana 17. – 20. maí í Sveitarfélaginu Árborg.

Fjölmargir skemmtilegir viðburðir verða á dagskrá; á Selfossi Stokkseyri, Eyrarbakka og Sandvíkurhreppi hinum forna.

Menningarnefnd Sveitarfélagsins Árborgar stendur fyrir Vori í Árborg ásamt fjölda fólks sem kemur að undirbúningi og framkvæd.

Nánar um dagskránna hér: Dagskra_vor_i_arborg2012

.

Skráð af: Björn Ingi Bjarnason.

nánar
 
 

15. 05. 2012 kl. 12:17 - Kristinn Snæland skrifar: - Til Vestfjarða árið 1944

Flateyringurinn Kristinn Snæland las upp ú bók sinni  -Austur og vestur um haf-  á Cafe Catalina í desember 2011. Vestfirska forlagið gaf þá bók út og er hún fánleg í netverslun Vestfirska forlagsins   www.vestfirska.is   Ljósm.: Guðmundur J. Sigurðsson.

15. 05. 2012 kl. 12:17 - Kristinn Snæland skrifar: - Til Vestfjarða árið 1944

Átta ára fékk ég pláss hjá ömmusystur minni að Móbergi á Rauðasandi.

. 

Til Vestfjarða lágu þá engir bílvegir. Ferðalag mitt vestur var leyst þannig að faðir minn, sem var þá vélstjóri á b/v Maí frá Hafnarfirði, tók mig með í veiðiferð á Vestfjarðamið. Algengt var þá að vera við veiðar einhverja daga, brenna kolum fyrir gufuvél skipsins og nýta ís skipsins til kælingar á aflanum. Reynt var að fylla skipið en í það fór mikið af kolum og ís.

.

Þegar veitt hafði verið í nokkra daga var farið inn á eitthvert plássið og bætt á kolum og ís til að ljúka við að fylla skipið og eins til að eiga næg kol til siglingarinnar til Englands.

.

Í þessari ferð var farið inn á Patreksfjörð að Vatneyri eftir kolum og ís. Þar fór ég í land og eftir tvo daga með trillu yfir fjörð-inn að Hvalskeri. Þar beið mín þá vinnumaður frá Móbergi og saman gengum við yfir Sauðlauksdalsfjall að Móbergi.

. 

Að loknu sumri fékk ég far með heybíl yfir að Vatneyri og þaðan skömmu síðar með varðskipinu Ægi til Reykjavíkur, sem oft var notað til farþegaflutninga þegar mikil þörf var á. Afar slæmt var í sjóinn og skipið valt og hentist upp og niður. Ég þvældist sárlega sjóveikur um ganga og átti hvergi höfði mínu að að halla. Átti ég þess helst von að ég kæmist ekki lifandi frá þessu ferðalagi, en á einhvern hátt lifði ég þetta af og skreiddist fagnandi í fang minnar ástkæru móður. 

.

Kristinn Snæland sem var sveitarstjóri á Flateyri á fyrri hluta áttunda áratugar síðutu aldar.

Hann var einnig fréttaritari Tímans á Flateyri þau ár.

.

Flateyringarnir fögnuði Kristni eftir lesturinn á Cafe Catalina. F.v.: Sigurður Sigurdórson og Kristinn Snæland. Ljósm.: Björn Ingi Bjarnason.

.

Bændablaðið miðvikudagurinn 16. maí 2012.

Hér skráð af: Björn Ingi Bjarnason.